Photo shows TESDA Secretary Francisco Benitez speaking into a microphone beside another official, in front of a banner reading “Bridging Partnership, Alumni Stakeholders for Skills Development.”
Train LOKAL program
Gibutyag ni Secretary Francisco Benitez, Executive Director sa TESDA o Technical Education and Skills Development Authority ang Train LOKAL o Localized Opportunities for Knowledge Access and Lifelong Learning program nagtumong sa paghatag og gahum sa mga Local Government Units nga mapalig-on ug makasugod og mga pagbansay sa kahanas direkta sa ilang mga komunidad.
"Train LOKAL's intent is for LGU's to take much ownership for workforce development planning delivery. As well as helping us find ways to maximize the delivery of training in order to address the urgent demand increasing intensity of work force development," matud ni Sec. Benitez.
Gipahaom kini sa panginahanglan sa lugar kung asa ang mga kurso sa pagbansay base sa mga trabaho nga gikinahanglan.
Base sab kini sa mga industriya, negosyo ug tinubdan sa kita nga maayo sa dapit ingon man base sa mga kinahanglanon sa mga pamilya ug mga lumulupyo.
Ang TESDA, Dep-Ed ug CHED magtrabaho uban sa mga LGU ug sa mga training center sa dapit.
Sumala ni Mayor Frederick Siao naka-una ang Iligan sa pagmugna og Iligan City Technical Education Skills Development Council sukad pa 2024 nga usa sa gikinahanglan sa Train LOKAL. Kini nga kalamposan girekognisa kini sa kalihim sa TESDA.
"I believe kita ang only LGU sa Philippines nga naay council nga mo-oversee niani, so dako ni siyag tabang kay kining council mao ni sila mo-guide, motabang og desisyon kung unsa ang maayo para sa ilaha, para sa mga potential nga estudyante," nagkanayon si Mayor Siao.
Pinaagi niini, ang pagbansay dili na kinahanglan layo aron mas daghan ang makakat-on og kahanas ug makapangita og trabaho o makasugod og kaugalingong negosyo.
Gibisita ni Secretary Benitez ang Iligan City ug Lanao del Norte aron makig-estorya sa mga TVET o Technical Vocational Education and Training stakeholders ug sayran sa mga angay pang buhaton aron ma-improve pa ang paghatud sa mga serbisyo sa TESDA.
Gipapanumpa sab sa kalihim ang mga opisyales sa Lanao del Norte TVET Alumni Association.
We would like to hear from you
Send us your feedback, comments and suggestions to help improve our services.